Մարտի 7-ին Փարպիի համայնքապետարանում, համայնքի ղեկավարի աշխատասենյակում կայացավ Փարպի համայնքի ավագանու արտահերթ նիստը: Նիստը նախագահում էր համայնքի ղեկավար՝ Իշխան Առաքելյանը, արձանագրում էր համայնքի ղեկավարի տեղակալ՝ Հռիփսիկ Դանիելյանը:

Ավագանու նիստի քննարկման էին դրված որոշման նախագծեր, որոնք տեղադրված են Փարպիի համայնքապետարանի պաշտոնական՝ parpi.am կայքում:

Սիրելի՛ կանայք, մայրեր և քույրեր Ջերմորեն շնորհավորում եմ Ձեզ՝ գարնան այս գեղեցիկ տոնի՝ Կանանց միջազգային օրվա առթիվ՝ մաղթելով անսահման սեր, առողջություն և երջանկություն:

Միշտ լինեք հմայիչ ու գեղեցիկ:

Փետրվարի 25-ին Փարպիի համայնքապետարանում, համայնքի ղեկավարի աշխատասենյակում կայացավ Փարպի համայնքի ավագանու արտահերթ նիստը: Նիստը նախագահում էր համայնքի ղեկավար՝ Իշխան Առաքելյանը, արձանագրում էր աշխատակազմի քարտուղար՝ Արտաշես Մկրտչյանը:

Ավագանու նիստի քննարկման էին դրված որոշման նախագծեր, որոնք տեղադրված են Փարպիի համայնքապետարանի պաշտոնական՝ parpi.am  կայքում:

Հայաստանի մշակույթային օրացույցում փետրվարի 19-ը տոն է՝ Ամենայն հայոց բանաստեղծ Հովհաննես Թումանյանի ծննդյան օրն է:

2008թվականից Հայաստանում, փետրվարի 19-ը՝ Հովհաննես Թումանյանի ծննդյան օրը, նշվում է որպես գիրք նվիրելու օր:

Տոնի կապակցությամբ Փարպիի Ղազար Փարպեցու անվան միջնակարգ դպրոցի 3-րդ դասարանի աշակերտները Փարպիի համայնքապետարանում շնորհավորեցին բոլորին, արտասանելով Թումանյանի քառյակներից, բանաստեղծություններից:

Սիրելի՛ համագյուղացիներ. սրտանց շնորհավորում եմ բոլորիս գալիք Ամանորի և Սուրբ Ծննդյան տոների կապակցությամբ: Թող Նոր Տարին նոր հաջողությունների ու նոր ձեռքբերումների սկիզբ լինի, թող խաղաղություն ու բարօրություն բերի մեր երկրին ու բոլոր ընտանիքներին:

Գալիք 2019-ը բերի երջանկություն, խաղաղություն, եռանդ ու հոգու ջերմություն, աշխատանք, անսպառ սեր մեր մեծ ընտանիքին, մեր հայրենիքին:

Շնորհավոր Ամանոր և Սուրբ Ծնունդ:

Այսօր՝ դեկտեմբերի 20-ին, Փարպիի համայնքապետարանը շնորհավորեց Փարպիի Ղ. Փարպեցու անվան միջնակարգ դպրոցի սաների գալիք Ամանորը: Նախակրթարանի և 1-4 դասարանի թվով 96 աշակերտներին հանձնվեցին նվերներ և ամանորյա ներկայացման տոմսեր:

Հնչեցին շնորհավորանքներ ու բարեմաղթանքներ համայնքապետարանի աշխատակիցների, դպրոցի տնօրենի և ուսուցիչների կողմից:

Սիրելի՜ աշակերտներ, մեր փոքրիկ փարպեցիներ, կրկին շնորհավորում ենք գալիք Նոր Տարին, մաղթում ուսման մեջ նորանոր հաջողություններ:

Դեկտեմբերի 18-ին Փարպիի համայնքապետարանում, համայնքի ղեկավարի աշխատասենյակում կայացավ Փարպի համայնքի ավագանու հերթական նիստը: 

Նիստը նախագահում էր համայնքի ղեկավար՝ Իշխան Առաքելյանը, արձանագրում էր աշխատակազմի քարտուղար՝ Արտաշես Մկրտչյանը:

Ավագանու նիստի քննարկման էր դրված 2019թվականի բյուջեի նախագծի հաստատումը:

Սիրելի՛ ուսուցիչներ .

Շնորհավորում եմ Ձեզ մասնագիտական տոնի՝ ուսուցչի օրվա կապակցությամբ: Մաղթում եմ Ձեզ քաջ առողջություն, երջանկություն, հաջողություններ Ձեր ազգանվեր գործում:Մեծ է Ձեր վաստակը սերունդների կրթության ու դաստիարակության պատասխանատու գործում: Դուք Ձեր իմաստությամբ ու բարությամբ, համբերատարությամբ  ու անձնուրացությամբ կրթում ու դաստիարակում եք մատաղ սերնդին՝ նրանց փոխանցելով Ձեր գիտելիքներն ու հմտությունները, Ձեր մեծ հոգու մի մասնիկը, ինչի համար երախտապարտ ենք:

<<Տեղական ինքնակառավարմանը կանանց մասնակցության ընդլայնումը նրանց քաղաքացիական նախաձեռնությունների խթանման միջոցով>> փոքր դրամաշնորհային ծրագիր:

Իրականացվում է Արագածոտնի մարզի Փարպի, Բազմաղբյուր, Ղազարավան համայնքներում՝ Համալսարանական կրթությամբ կանանց ասոցիացիայի աջակցությամբ <<Հայաստանում տեղական ինքնակառավարման համակարգում մասնակցային ժողովրդավարության կայացման հեռանկարները. կանանց ներդրումը>> ծրագրի շրջանակներում

Գերմանիայի միջազգային համագործակցության ընկերության ֆինանսավորմամբ:

ՀՀ Անկախության 27-րդ տարեդարձի կապակցությամբ Փարպի համայնքում անցկացվեց տոնական միջոցառում: Միջոցառմանը իրենց մասնակցությունը ցուցաբերեցին համայնքի շնորհալի երեխաները, պարի և մարմնամարզության խմբակի երեխաները: Տոնի առթիվ շնորհավորեց համայնքի ղեկավար՝ Իշխան Առաքելյանը:

Սիրելի՛ Փարպի համայնքի բնակիչներ, սրտանց Շնորհավորում եմ բոլորիդ՝ ազգային տոնի՝ Անկախության 27-րդ տարեդարձի առթիվ, մաղթում խաղաղություն, բարօրություն, անկախ ու միասնական հայրենիք:

Հիմք ընդունելով <<Մաքուր Հայաստան >> ծրագրի շրջանակում համապետական շաբաթօրյակ կազմակերպելու ՀՀ կառավարության հանձնարարականը՝ 2018թ.-ի սեպտեմբերի 8-ին Փարպի համայնքում անցկացվեց շաբաթօրյակ:

Աշխատանքներին մասնակցեցին համայնքի բնակիչները, համայնքապետարանի աշխատակիցները, դպրոցի ուսուցչական կոլեկտիվը, աշակերտները:

Մաքրման աշխատանքներ իրականացվեցին Փարպի-Աշտարակ միջհամայնքային ճանապարհի և հարակից տարածքներում, մաքրվեցին գյուղի գլխավոր փողոցը, եկեղեցիների հարակից տարածքները, գյուղի հրապարակը:

Մասնակիցներն ապահովեցին համապատասխան պարագաներով և գործիքներով, կուտակված աղբը ժամանակին տեղափոխվեց:

Սիրելի ուսուցիչներ՛, աշակերտներ և ծնողներ Շնորհավորում եմ Ձեզ նոր ուսումնական տարվա սկիզբն ավետող սեպտեմբերի 1-ի՝ գիտելիքի, գրի և դպրության օրվա կապակցությամբ:

Իմ ջերմ շնորհավորանքներն ու բարեմաղթանքներ եմ հղում հատկապես դպրոցի և բուհի շեմն առաջին անգամ ոտք դնողներին՝ մաղթելով նրանց լուսավոր ճանապարհ:

Առանձնահատուկ շնորհակալություն եմ հայտնում մեր մանկավարժներին իրենց շնորհակալ աշխատանքի համար:

Կրկին շնորհավորելով բոլորիս գիտելիքի, գրի և դպրության օրվա կապակցությամբ, մաղթում եմ նորանոր գիտելիքներով, հաջողություններով ու ձեռքբերումներով լի ուսումնական տարի:

Հունիսի 16-ին Փարպի համայնքում նշվեց Սուրբ Գրիգոր եկեղեցու ուխտը: Այս առիթով եկեղեցում ժամը 10³⁰-ին մատուցվեց ՈՒխտի Սուրբ Պատարագ: Վերջում կատարվեց մատաղի օրհնություն և հյուրասիրություն:

Շնորհավորում եմ բոլոր երեխաներին իրենց տոնի՝ երեխաների պաշտպանության միջազգային օրվա առթիվ:Մաղթելով անհոգ մանկություն, լուսավոր ապագա և որ ամենակարևորն է՝ առողջություն:

Մայիսի 28-ին Փարպի համայնքում տեղի ունեցավ միջոցառում նվիրված Հայաստանի Առաջին Հանրապետության 100 ամյակին:Միջոցառմանը իրենց մասնակցությունը ցուցաբերեցին Փարպիի պարային համույթի երեխաները, գիմնաստիկայի խմբակի երեխաները, համայնքի շնորհալի երեխաներ:Ելույթ ունեցավ Փարպիի Ղազար Փարպեցու անվան միջնակարգ դպրոցի պատմության ուսուցիչ Ռազմիկ Թովմասյանը:

Սիրելի՛ շրջանավարտներ, Շնորհավորում եմ Ձեզ կյանքի ամենահիշարժան օրերից մեկի՝ <<Վերջին զանգի>> կապակցությամբ:

Թող ձեր մեծ կյանք մտնելու այս նշանակալի օրը անմոռանալի դառնա ձեր ողջ կյանքի ընթացքում: ՈՒզում եմ միշտ հիշեք, որ գիտելիքների, կյանքի ճշմարիտ դասերի, մեծ ու փոքր հաջողությունների համար առաջին հերթին պարտական ենք մեր մանկավարժներին. խորին հարգանքով իմ շնորհակալության խոսքն եմ ուղղում նրանց՝ իրենց հայրենանվեր աշխատանքի համար:

Համոզված եմ, որ դուք իրականություն կդարձնեք ձեզ հետ կապված նրանց և իհարկե նաև ձեր ծնողների բոլոր հույսերն ու երազանքները:

Բարի եր՛թ Ձեզ, թող որ կյանքի հետագա փուլերում ձեզ միշտ ուղեկցեն հաջողություններն ու հաղթանակները:

Հաղթանակի և խաղաղության տոնի կապակցությամբ մայիսի 9-ին Փարպի համայնքում ծաղիկներ խոնարհեցին Մեծ Հայրենականում զոհվածների հիշատակը հավերժացնող հուշարձանի մոտ: Ներկա էին համայնքապետարանի աշխատակիցները, Արցախյան ազատամարտում զոհված զինծառայողների ընտանիքներ, միջնակարգ դպրոցի ուսուցչական կոլեկտիվը և աշակերտներ: Հաղթանակի տոնի առթիվ շնորհավորեց համայնքի ղեկավար՝ Իշխան Առաքելյանը:

Պատերազմի վետերաններին և Արցախյան ազատամարտում զոհվածների ընտանիքներին տրվեց դրամական օգնություն, յուրաքանչյուրին 30000-ական դրամ:

Ապրիլի 14-ին Փարպի համայնքի ողջ տարածքում կազմակերպվեց աղբահանության և սանիտարական մաքրման աշխատանքներ, որին մասնակցում էին դպրոցի կոլեկտիվը, աշակերտներ, համայնքապետարանի աշխատակիցները, համայնքի բնակիչությունը:

Մաքրման աշխատանքներ տարվեցին արդեն նախապես նշված փողոցներում, մաքրվեցին գերեզմանատների և եկեղեցիների հարակից տարծքները: Աշխատանքների իրականացման համար ներգրրաված  էր համապատասխան տեխնիկա: